O xoves, 23 de abril, ás 19 horas, o Museo do Pobo Galego acolle a presentación de A Galicia que percorreu Alan Lomax, unha publicación da Fundación Lola Pérez Rivera e aCentral Folque que recolle un estudo arredor da música popular galega recompilada por Alan Lomax, realizado por un equipo de investigación do Conservatorio Superior de Música de Castela e León (COSCYL). O traballo inclúe tamén a transcrición dun cento de gravacións realizadas polo etnomusicólogo e a súa colaboradora Jeanette Bell en 1952 nas provincias da Coruña, Pontevedra e Ourense.
Na presentación, contaremos coa presenza de Alberto de la Calle, presidente da Fundación Lola Pérez Rivera; Concha Losada, presidenta do Padroado do Museo do Pobo Galego; Ramón Pinheiro Almuinha, director de aCentral Folque e Julia Andrés Oliveira, coordinadora e coautora do estudo.